Category: Uncategorized

KALIKASAN; ATING PANGALAGAAN

Ang kalikasan ay biyaya ng ating maykapal para sa atin. Binigay ito para ating pangalagaan dahil ito ay isa sa mga yaman na pinagkukunan natin ng mga pangunahing pangangailangan. Dito ko naranasan ang payapang pamumuhay  at kumain ng masasarap na gulay galing sa ating kalikasan. Ngunit bakit nga ba nasisira ang ating kalikasan?

Ito ay maganda at kapakipakinabang. Mula sa pagkain, tirahan , gamot at marami pang iba. Dito nagmumula ang ating mga sariwang prutas at gulay. Sa pamamagitan din mga puno, tayo ay malayang nakakahinga. Mga puno rin ang nagsisilbing tahanan ng napakaraming uri ng hayop lalo na ang mga ibon.

Pagbaha,  pagkakaroon ng landslide  at pagbabago ng klima ,ilan lamang sa mga nararanasan natin halos taon-taon. Tayong mga mamamayan at lahat ng nabubuhay sa mundo ang naaapektuhan sa mga sakunang ito.

Kitang-kita ang mga basurang naitapon sa dagat. Naaapektuhan dito ang mga isdang naninirahan sa dagat.
Ang kakulangan natin ng kaalaman sa kahalagahan ng kalikasan, , abusadong paggamit nito ,kawalan  ng disiplina ,maling paraan ng pagtatapon ng basura at maling paraan ng pangingisda ang dahilan kung bakit nagkakaroon ng hindi inaasahang mga sakuna.
Patuloy pa rin ang pagpuputol ng mga tao ng puno na siyang nagiging dahilan ng pagguho ng lupa na nakakapinsala sa mga tao. 

Kung may kakayahan kang mahalin ang isang tao, taos puso mo ring bibigyan ng pagmamahal ang kalikasan. Kung kaya mong ibigay ang lahat para sa kanya, hindi ka magdadalawang isip na ibigay ang pagpapahalaga ,pag aalaga at pagpapanatili ng kalinisan ng ating kapaligiran. Kung kaya mong rumespeto at magpasalamat sa mga biyaya ng Diyos kayang kaya mo ring respetuhin ang ating “nature”  at masasabi mong “nature is the art of God”

Hindi ba ayaw mong nasasaktan? na hindi minamahal?  Habang may pagkakataon pa upang makita ang magagandang tanawin, maramdaman ang simoy ng hangin ,malasahan ang mga bunga galing sa mga puno, maamoy ang mabangong aroma ng mga bulaklak at marinig ang awit ng mga ibon, huwag mong sayangin ang pagkakataon . Simulan mo sa mga maliliit na bagay . Sa simpleng pagtatapon ng basura sa tamang lalagyan sa halip na itapon kung saan saan dahil iyon ang tama at makakatulong sa pagpapanatiling malinis at maayos ang ating kapaligiran. Ang pagbabago ay hindi makakamtan kung alam mo ang gagawin pero ikaw mismo hindi gumagawa ng paraan . Masakit tanggapin ang katotohanan na tayo ang may gawa kung bakit nasisira ang ating kalikasan kaya naman itigil na natin ang ating kahibangan at sama-sama tayong magtulungan upang atin na muling alagaan at huwag na nating pabayaan ang kalikasan. LOVE YOUR NATURE AS YOU LOVE YOURSELF AND IT WILL MAKE A DIFFERENCE

MGA PAGKAING PINOY

Ang ating bansang Pilipinas ay kilala hindi lamang sa ganda nito kundi pati na rin ang mga pagkaing Pinoy na dinadayo pa ng mga turista. Likas sa ating mga Pinoy ang pagiging mahilig sa pagkain. Ang mga pagkain na ating kinakain ay nagbibigay enerhiya sa ating pang araw-araw na pamumuhay.

Ang mga sumusunod ay ang mga pagkaing Pinoy na tunay ngang tatak sa atin :




BALOT

Ito ay nagmula sa itlog ng itik. Kadalasang binebenta ito sa gabi at mataas ang protina na naibibigay nito sa atin. Kinakain ito na may asin, suka o sili para magkaroon ng lasa. Sa ating bansa, matatagpuan ang insdustriya ng paggawa ng balot sa Pateros

ADOBO

Isa ito sa pianakamasarap na pagkaing Pinoy na madali lamang lutuin at masarap iulam sa kanin. Kadalasan ang pangunahing sangkap sa pagluluto nito ay ang karne ng manok o baboy ngunit maaari din gawing adobo ang mga gulay.

DINUGUAN

Isa itong pasok sa panlasa ng mga tao. Kahit anong okasyon ang gaganapin hinahanap hanap nila ito dahil sa natataglay  na sarap at lasa.

TINOLA

Mayroon itong pangunaqhing sangkap tulad ng manok, hilaw na papaya, luya, sibuyas at patis. Isa itong paboritong ulam ng mga Pinoy.

TAHO

Ito ay isang masarap na almusal sa umaga. Ito ay may matamis na lasa para mas patamisin ang iyong araw.

KARE-KARE

Ito ay isang ulam na nilalagyan ng mga karne at hinahaluan ng iba’t ibang klase ng mga gulay na siyang nagbibigay sustansya rito. Pinapakuluan ang karne hanggang sa lumambot at hahaluan ng mga sangkap na nagpapalasa rito.

SINIGANG

Iniluluto ito kasama ang maasim na sabaw na ginagawa gamit ang iba’t ibang pampaasim na nakadepende sa nais mong lasa. Hinahaluan din ito ng mgs gulay gaya ng kangkong, sitaw, sigarilyas, okra, gabi at iba pa.

Iilan lamang ito sa mga masasarap na putahe na madalas iniluluto nating mga Pinoy. Sa mga pagkain na mga ito ay maipapakita na tunay ngang mahirap tumanggi sa pagkain. Kakaiba talaga ang mga Pinoy kapag usaping pagkain, gamit lamang ang simpleng mga sangkap na hinahaluan ng pagmamahal sa pagluluto ay nabibigyan na nila ng kakaibang sarap ang kanilang mga nilulutong pagkain.